DOS. MIL. DOS.

Kanso pag-abot kan ika-trentang banggui kan Disyembre
sa satong ika-siyam na pagtiripon,

sa paggiromdom kan mga aldaw:
an baransagan, surugalan, arasaran,
PMT, Dual Encounter, Intrams, Pistaym, Kikiks,
Pinatakasi, An Maogmang Lugar, Days with the Lord,
Retreat, JS Prom—hanggang sa Graduation Day,

kan mga patagong irinuman—
sa may sari-sari store,
sa harong kan barkada,
sa may madiklom na lugar,

[mapuli ka nanamang burat-burat,
diputa higop muna daw kita nin kinalas
sa Bolofers {kanso maurag pa duman}]

kan mga patagong yosi sessions
diyan sa may kubo—
baka madakop kamo ni Chanoco,
[magpahamot, baka maparungan ka]

sa paggiromdom kan mga aldaw na nagpost
kita, late nanaman, maglampaso ka daw,

sa paggiromdom kan mga aldaw na binasted
ka kan tidliligawan mo,
sa paggiromdom kan mga aldaw na sinagot
ka kan kino-courtan mo
kan tsiks diyan sa may balyong eskwelahan,

 

sa paggiromdom, sa paggiromdom, sa paggiromdom,

 

Kada lamesa maglaag kita nin bote nin arak:
Red Horse, San Mig, Brandy, Gin—bahala ka—
[oy waiter, ice man tabi digdi, salamat]
mag-iristoryahan, mag-harambogan
sa bangguing ini magriligaan lang kita,
pag-urulayan an nakaagi—

sa mga taon na dai na kita nag-iirilingan,
ang pag-obserbar kan mga nagdadarakulang tulak,
hulaan mo na lang kun tano—baka bados—
[si mga mayo sa ‘Pinas oks lang, may Skype man]

sabay-sabay kitang mapurusngak,
sabay-sabay kitang ma-slam sa baba kan stage,
sabay-sabay tang tandaan:

na sa bangguing ini
bako kitang gurang,

na sa bangguing ini
hayskul kita uli,

balikan ta an pagmati:
na dakula an satong kinaban,
saro-saro ta ining pagtripan.

 

 

sararo
sawawo

{para sa AdNU HS Batch 2002}

*Congratulations to Crutz and Eking for a successful reunion! Maoragon!

Photo courtesy of Gil Sta. Ana

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s